Barnsfæðing á Eyrarsundsgarði.

Brúðkaup um síðustu helgi, og barnsfæðing um þessa. Hvað gerist næstu helgi?
Ég er svo heppin að nágrannakonan, þeas. þessi við hliðina, fór af stað rétt áður en ég kom heim úr vinnunni í gær, svona upp úr hálftólf. Klukkan 01.58 kom í heiminn lítill stelpuungi sem heitir Ida Line. Hún er ósköp lítil og krumpuð, enda fædd tveimur vikum fyrir tímann, mamman dreif hana út og var komin í uppvaskið í morgun. Alveg mögnuð kona. Alveg mögnuð lífsreynsla líka. Stórkostlegt að sjá fyrsta andardrátt manneskjubarns. Ég svaf með bros allan hringinn í nótt, og hugsaði bara fallegt og gott.
Þetta er yndislegt líf...