Weekendpaket

Á laugardaginn förum við hjónin á hótel, það heitir Klitterhus havsbadhotell og er staðsett við menningarborgina Ängelholm við Eyrarsund. Þetta mun verða fyrsta nótt okkar hjóna á hóteli, við erum enda bara búin að vera gift í tæp fimm ár. Birninum verður komið fyrir hjá Hrafnhildi frænku og Karin frænku og Torbirni frænda og kisunum og litlu kisunum og píanóinu og hestinum og ísnum, eins og upptalningin hljóðar hjá drengnum.
Já já bjart framundan, vorið að koma og bladdíblah.
Björninn kominn inn leikskóla, þann sama og Hrafnhildur og Bergþóra stunda. Við fórum með hann í heimsókn í gær, hann kom inn fann sér ,,ljóta kalla" og hóf leik. Ég held við þurfum ekki að hafa af honum miklar áhyggjur. Kannski þó, þegar ég sýndi honum litlu klósettin sérhönnuð fyrir manneskjur undir 120 sentímetrum benti hann mér réttilega á að hann væri með bleyju og hefði því engin not fyrir þessar skálar! Bleyjubaráttan mikla hefst um páskana.
Við erum annars bara í því þessa dagana fjölskyldan að leika Batman Spiderman og Græna kallinn ljóta (Hulk), sláumst í sófanum, köstum vefjum á allt og fljúgum á milli herbergja.
Tsjaaahhh!