Nýtt ár! Gleðilegt ár.

Allt í góðu í okkar koti. Helgin nýliðna alveg ótrúlega skemmtileg. Byrjaði á ritgerðarskilum á föstudagsmorgni. Svo Amager Senter ferð með konunni á móti, bjór á Kongelunden til að jafna sig á öllum innkaupunum, hárspenna, nærföt, næla og kjóll auk þess sem Heiðrún keypti.
Björninn sóttur og skilað í aðra pössun skömmu síðar. Boð í Sendiráðinu klukkan átjánhundruð. Eins og að ganga inn í jarðarför sagði Heiðrún. Ekki fyrr en komu að tölu skáldsins að lundin fór að léttast. Léttist til muna þegar farið var að bjóða veitingar. Léttist svo upp úr öllu valdi þegar komið var á Fingurbjörgina á Kristjánshöfn. Mikið var gaman. Það var bara svo gaman. Mikið hlegið og sungið og skálað og ræðuhöld og ræræræræræ. Takk fyrir stórkostlega skemmtan þið sem voruð þarna stödd.
Laugardagur til lukku. Gekk um með bros á vör með barnið í vagninum og sólina á himninum. Sunnudagur hófst með sælu. En allt í einu undir kvöld helltist yfir mig angist og kvíði. Yfir hverju veit ég ekki. Ónot og óþægilegar hugsanir. Eins og maður geti aldrei tekið því að lífið gangi vel. Að allt sé í gott, allt gangi vel, og allt miði til hins besta.
Hef þetta að sjónarmiði framvegis.